طه إسماعيل: الإدارة من أسباب خسارة الأهلى أمام صن داونز بخماسية
علق طه إسماعيل نجم الأهلى الأسبق على خسارة المارد الأحمر أمام صن داوتز بخمسة أهداف مقابل هدفين في المباراة التي جمعتهم بالأمس السبت ضمن منافسات الجولة الرابعة من دور المجموعات ببطولة دورى أبطال أفريقيا.
قال إسماعيل خلال تصريحات تلفزيونية:"فريق صن داونز أفضل من الأهلي في كل حاجة.. الأهلي دخل دور المجموعات بطريقة غير جيدة.. عقلية لاعبي صن داونز أفضل من عقلية لاعبي الأهلي".
أضاف:"لازم أجيب أجانب توب ما استرخصش.. ولازم يكون في عين تقول مين يمشي ومين يستنى.. في حاجات عايزة إعادة نظر بشكل كبير وبشكل احترافي وسريع.. الأهلي اسمه كبير".
تابع:"اللاعيبة دي لازم تحافظ على نفسها.. بياخدوا رواتب كبيرة جدًا والدنيا مغريات والسهر.. لازم النادي يشوف الوسيلة المناسبة عشان يحافظ عليها ويكونوا كويسين يلعبوا ماتش وماتش لأ.. إدارة النادي عليها دور في تجديد دم الفريق".
وواصل:"بعد الفوز بالتاسعة والعاشرة قولت في العلن خلاص ستوب.. لازم نعمل فريق جديد وأقعد سنتين ثلاثة وأعرف الناس إن النادي بيعمل مشروع يقعد 3 4 سنين عشان يكسب باستمرار".
واختتم:" الإدارة من أسباب اللي حصل.. كان لازم تدعم الفريق بـ 4 5 لاعيبة أجانب على مستوى عال في كل خط من الخطوط.. أنا مبهاجمش حد أنا بتكلم كلام الأصول".
