الرئيس السيسي: تعديل قانون الإيجارات القديمة ينقذ ثروة عقارية بتريليوني جنيه

قال الرئيس عبد الفتاح السيسى خلال كلمته بمؤتمر حكاية وطن، تعليقًا على قانون الإيجار القديم: ما لم يكن هناك قانون قوى حاسم سريع للموضوع ده هنفقد الـ2 مليون وحدة والتى تقدر بتريليون جنيه، هذه الوحدات ايجاراتها ليست كالوحدات الجديدة، لأن فرصتها أريح للناس القريبين منها.

الرئيس السيسى: تعديل قانون الإيجارات القديمة ينقذ ثروة عقارية بـ2 تريليون جنيه

وتابع: لماذا لا يتم مناقشة هذه النقطة بشكل جيد، يجى النقاش في تنظيم العلاقة بين المالك والمستأجر في قانون الإيجارات القديمة يقولك دى مكتسبات أوعى تقرب.. يا حبيبى انت بتتكلم الناس اللى عملت المكتسبات دى الله يرحمهم ماتوا من زمان واللى موجود دلوقتى أحفادهم، طيب هما بيشكلوا ايه في الكتلة السكنية التي نفذ بها القانون إذن انت بتتكلم عن كلتلة سكانية سنة 1962، واللى كانوا موجودين ساعتها واستفادوا من العلاقة دى والعقد اللى تم.. طيب هو يبقى مدى الحياة ولا الموضوع ينتهى بقى، أنا بشوف المناقشات في الجرائد وبقراه.. الناس ماتت واللى بعدهم ماتوا وانت لسه ماسك في الموضوع.

وأضاف: حد يجيب أي مناقشة للموضوع ده في البرلمان أو على القنوات الحوارية اللي انت عملته شكل عقبة حقيقية أمام استغلال 2 مليون ثمنهم تريليون جنيه، حرام علينا نفقد القيمة دي ويدهم الدكتور عاصم علشان يفضلوا مقفولين الكلام النظري فيها والواقع حاجة تانية الدولة حاجة تانية والناس، حبيبت اقولكم ان في موضوعات كتيرة الكلام النظرى فيها كتير والواقع حاجة تانية، الدولة حاجة تانية، مشيرا إلى أنه  في سنة 67 وزير الدفاع الإسرائيلي قال الضربة دى لن يقوم منها الجيش المصرى إلا بعد 50 سنة، انا قولت معقول على ما نقدر نستعيد عافيتنا نقعد 50 سنة معقول كنت بتفكر كده يا كامل وانت عندك 13 سنة تبكى علشان بلدك.

وقال الرئيس عبدالفتاح السيسي إن المشروعات التي عرضها وزيري النقل والإسكان اليوم كانت محل جهد وإرادة أن تتغير مصر من الواقع الحالي لواقع آخر، وكل وزير كان معني بعمله، ولكن رئيس الوزراء كان متواجدا في كل ذلك وهو أكثر شخصية تحملت الضغوط، «كل وزير مختص ييجي يعرض ويكمل شغله ويحضر مجلس الوزراء وخلاص كدا».