بشأن الأسعار.. رسائل الرئيس السيسي خلال تفقد مركز عمليات التحكم والمتابعة للشبكة الوطنية للطوارئ

طالب الرئيس عبد الفتاح السيسي المحافظين بالتواجد في الشوارع مع المواطنين لضبط الأسعار، قائلاً "دي القضية اللي محتاجين نضغط فيها دلوقتي، وبقول الكلام دا لكل السادة المحافظين، أبقى أنا متواجد بالفعل في الميادين والأسواق الرئيسية"

وقال الرئيس عبد الفتاح السيسى خلال تفقده صباح اليوم مركز عمليات التحكم والمتابعة للشبكة الوطنية للطوارئ والسلامة العامة، موجها حديثه للمحافظين: نحن نحتاج الآن أن نبقى متواجدين على الأرض بنسب كبيرة أوي، فمشكلة المواطنين توجه لنا إحنا كمسؤولين، وعلينا أن نسمع منهم، لأنهم هيقولوا لمين غير لينا، بالتالي نبقى إحنا نبضهم في الشارع، ونبقى شايفين الدنيا عاملة إزاي.

وأضاف الرئيس السيسى: بنتكلم في التواجد في الشارع وعشان ضبط الأسعار، ودي القضية اللي محتاجين نضغط فيها دلوقتي، وبقول الكلام دا لكل السادة المحافظين، أبقى أنا متواجد بالفعل في الميادين والأسواق الرئيسية وأشوف الأسعار بكام، واحنا كدولة نتحرك عشان نعمل تعزيز للمنتجات الموجودة وطول ما فيه وفرة، طول ما فيه فرصة الأسعار تبقى مظبوطة.

السيسي: الناس من حقها تكسبلكن بالمعقول حتى لا يكون هناك عبء على المواطن

وأضاف الرئيس السيسى، موجها حديثه لمحافظ بورسعيد اللواء عادل الغضبان، قائلا: "أنا عاوز أطمن على موقف توافر السلع والخضروات عندك في الأسواق دلوقتي ايه؟ وأنا مش بتكلم هنا بس في الوفرة يا عادل أنا بتكلم هنا في الأسعار يا عادل، أحنا بنقول للناس من حقها إنها تكسب بس أنا عاوز أقول في ظل الظروف اللي أحنا فيها نتكلم عن مكسب معقول عشان ميبقاش عبء على المواطنين في ظل الظروف الصعبة اللي احنا موجودين فيها، ودا أمر مهم".