المستشار الإعلامى لرئيس الوزراء يتحدث عن إنجازات التشييد بالعاصمة الإدارية
نشر هانى يونس، المستشار الإعلامى لرئيس مجلس الوزراء مقطع فيديو عبر صفحته على موقع التواصل الاجتماعى "فيس بوك" قائلا: "صباح الفل على حضراتكم.. احنا هنا فى العاصمة الإدارية الجديدة.. هنا فى مستقبل مصر.. هنا أنا موجود فى العاصمة الإدارية الجديدة فى منطقة الأبراج المركزية اللى بتنفذها الشركة الصينية.. هنا مدرسة لازم نتعلم منها.. هنا إنجاز فى كل دقيقة بيتنفذ.. هنا كل ما وصل إليه العلم فى الهندسة على أعلى المستويات بتتنفذ.. هنا عمال مصريين بيسابقوا الزمن مع عمال ومهندسين من الصين عشان ينجزوا مشروع يفخر بيه المصريين".
وأضاف هانى يونس: "اللى هيلف فى المنطقة دى النهارده هيحس فعلًا إنه فى دبى.. حاجة فوق الوصف.. كل يوم فى جديد كل يوم فى إنجاز.. النهارده احنا هنتفرج من فوق على العاصمة الإدارية الجديدة ومنطقة الأبراج.. دلوقتى اتفرجوا دا الموقع والمهندسين أهم موجودين.. دا البرج الأيقونى وصلنا فيه لارتفاع 25 دور ودى منطقة الأبراج كلها الأبراج الشغل فيها يتم على قدم وساق زى ما احنا شايفين.. تحيا مصر.. تحيا مصر.. تحيا مصر".
