الرئيس السيسي: كراكات عملاقة جديدة للمساهمة في قدرة هيئة قناة السويس

أكد الرئيس عبد الفتاح السيسي، أن الكراكة مهاب مميش، والكراكات العملاقة الجديدة للمساهمة في قدرة هيئة قناة السويس".

جاء ذلك خلال تفقد الرئيس مركز التدريب البحري التابع لهيئة قناة السويس بمحافظة الإسماعيلية صباح اليوم الثلاثاء.

وأشاد الرئيس، بحب وحرص المصريين على بلادهم، قائلا: "هم دول المصريين اللي حابين بلدهم وحريصين عليها.. مصر من دول كتير المفروض كان مصيرها مختلف، لكن بوعي وحرص وحب المصريين كانت النتيجة إن عبرنا أزمة كبيرة قوي.. أزمة مصر خلال 8 سنين اللي فاتوا".

وأضاف الرئيس السيسي خلال تفقده: "مهم قوي إن الدروس والعبر اللي الموجودة وتتحول إذا كان فيه مستلزمات ومعدات محتاجين تبقا موجودة عندنا بشكل مستمر، احنا لما كان بيتعرض خلال الـ 3 و4 سنين اللي فاتوا الكراكات الكبيرة والقاطرات الكبيرة إنهم يدبروها، كنا بنقول إن ده حاجة في صالح العمل، يتم تدبيرها بغض النظر عن الظروف او التكلفة".

وأكمل الرئيس السيسي: الكراكة مهاب مميش واللي قبل منها دي كراكات عملاقة جاية علشان تساهم في قدرة الهيئة ومطالب العمل"، مضيفا: "كل المطالب اللي احنا محتاجينها علشان يبقا عندنا عناصر في ظل التطور اللي حصل في حركة السفن العملاقة، لو محتاجة معدات تانية على طول فورا نتعاقد ونجيب ومفيش أي مشكلة إن شاء الله".