الأحد 05 فبراير 2023 الموافق 14 رجب 1444
رئيس مجلس الإدارة رئيس التحرير
بدور ابراهيم
عاجل
ملاعب

مرتضى منصور: أبلغت لاعبى الزمالك بقراءة القرآن قبل القمة لمواجهة السحر والشعوذة

الخميس 19/يناير/2023 - 02:29 م
 مرتضى منصور
مرتضى منصور

قال مرتضى منصور رئيس مجلس إدارة نادى الزمالك إنه نصح لاعبى الفريق الأبيض بقرائة القرآن للتصدى للسحر والشعوذة قبل مواجهة الأهلى في القمة 125 المقرر لها بعد غدٍ السبت على استاد القاهرة الدولى ضمن منافسات الجولة الرابعة عشرة من عمر مسابقة الدورى المصرى الممتاز.

أضاف منصور:"اجتمعت اليوم مع اللاعبين والجهاز الفني لمدة 10 دقائق، وأبلغتهم بنسيان اللى فات بكل أفراحه وأحزانه،وقلت للاعبى الزمالك هنبدأ الدورى يوم السبت بالفوز على الأهلى وأبلغتهم بمصالحة جماهير الزمالك ويستعيدوا الانتصارات".

تابع:"قدمت مذكرة رسمية ذهبت للاتحاد الدولى والمحكمة الرياضية مرفق فيها مشاركة كهربا في مباراة الأهلى وسموحة احنا لينا حق وهناخده..عشان يبقى الأهلى يلاعب عيل هربان ويتنطط زى القرد وبسببه الأهلى هينزل درجة تانية واللى عمله كهري د صحوة الموت رياضيًا وربنا يخليه لأمه ونسوانه اللى كل يوم بيتغيروا".

أكمل:"لو انت راجل يا فرج عامر وخايف على نادى سموحة اعمل شكوى بسبب مشاركة كهربا يا اللى أصغر عضو في نادى سموحة برقبتك.. وهل كان الماتش بتاع سموحة بالاتفاق مع فرج عامر بفلوس، وباع سموحة ولا جاميكا".

وأردف:"بقول لأخونا أحمد دياب وعامر حسين ما سمعتوش السباب الجماعى لجماهير الأهلى للاعبي الزمالك ولا انتوا اطرشتوا والعيال اللى عندى مخدوش منشطات ولو فتوح بياخد منشطات مش هيجيب جون في نفسه..ولو عايز تعمل تعمل منشطات ما نعمل لمحمد هانى اللى كان من شهر بيزحف على ركبه، وكمان ديانج، ويا لجنة المنشطات اكشفوا على دول".

واستطرد:"قلت للاعبى الزمالك صالحوا جماهيركم، والأهلى تهجم عليه تكسبه متخافش منه وكل الأندية بتكسبه المحلة وغيرها..طلع التحكيم وظبط الفار وطلع السحر والشعوذة وخلى العيال المخرجين يحترموا نفسهم،  واتفرج على لاعبي الزمالك".

واختتم "|عواد سبب انضمامه للمنتخب انه بيصد ضربات جزاء هل هو دا عواد اللى مصدش ولا ضربة قدام بيراميدز كفاية نجاسة ووساخة وسحر وشعوذة.. لا دا زيزو ولا دا إمام ولا دا سيف وقلت للاعيبة تقرا سورة البقرة ويس والرحمن عشان الشغوذة والسحر".