فيديو.. تفاصيل تقرير سري عن الملازم "عبد الفتاح السيسي" بالقوات المسلحة قبل 40 عاما
كشف اللواء سمير فرج، مدير الشئون المعنوية الأسبق بالقوات المسلحة، عن تفاصيل تقرير سري كتبه عن الملازم أول عبد الفتاح سعيد السيسي، بكتيبة المشاة التي كان يرأسها فرج قبل نحو 40 عاما.
وقال فرج، خلال كلمته بالندوة التثقيفية للقوات المسلحة اليوم، بعنوان: "العبور إلى المستقبل"، بحضور الرئيس عبد الفتاح السيسي، وقادة القوات المسلحة: "عمري ما ذكرت هذا حتى لا يقال أنني أتملق، ولن أتحدث في هذا الأمر مطلقا، كنت ملازم أول عبدالفتاح سعيد السيسي، ويوم ما سبت الكتيبة، كتبت التقرير السري، وعملت التقرير، وكان الملازم أول الوحيد اللي خد تقدير امتياز كنت حضرتك، ولما كتبت الامتياز، كتبت في تقرير ليه الامتياز، كنا بنلف في عربية جيب وحصلت عاصفة رملية، وبلغنا قيادة اللواء وبعتوا بلدوزر، والكتيبة كان فيها مواقع مناعية، وقلت النهار له عينين، والملازم عبدالفتاح السيسي، قالي المدنيين لازم يعدوا الصبح، ونزل الملازم عبدالفتاح يفتح الطريق، وقالي أنا حافظ الطريق يا فندم، وكلم الشئون الإدارية يجهزوا الفطار، وغير الفطار من جبنة بيضة إلى عدس عشان الشتاء، وطلب توزيع جبنة مثلثات بدل الجبنة اللي في صفايح عشان أسهل، وتاني يوم قالي تمام في كل شيء، الظابط اللي ياخد كل القرارات دي، يبقى صاحب قرار، الكلام ده من 40 سنة وإديتك امتياز، ومكنتش عارف إنك هتكون رئيس جمهورية، القرار شفته لما بتخلص مصر من الإخوان".
