الرئيس السيسي: خيرت الشاطر استمر 45 دقيقة متواصلة يهدد بالقتل وحرق البلد
تحدث الرئيس عبد الفتاح السيسي، عن تهديدات جماعة الإخوان للجيش بشكل صريح قائلاً: "عاوز أقولكم إن الموضوع اللي حصل فيه تهديد مباشر للجيش اتعمل 3 مرات مرة اتعمل مع المشير الله يرحمه حسين طنطاوي إن لو الانتخابات والنتائج طلعت غير الرئيس الله يرحمه مرسي يبقى البلد هتولع".
وتابع الرئيس في كلمته خلال احتفالات عيد الفطر: "المرة التانية لما خيرت الشاطر قال احنا حرقنا مقرات الامن الوطني ونقدر نعمل محاكمة شعبية ليهم ونحاكمهم، المرة التالتة كانت ليه شخصيا قسما بجلال الله 45 دقيقة يعملي بإيده كدا "حركة الضغط على الزناد" يقولي هنقتل وهنجيب من كل حتة وهتولع الدنيا".
وأكمل: "أنا بقسم بالله علشان هتلاحظوا إن رد الفعل على المسلسل دا حالة من الاستنفار الشديد من جانبهم، وادعاء وتشوية وزيف، وأنا قعدت 7 سنين لم أذكرهم مرة كنت أقول أهل الشر علشان أدي فرصة لأهل الشر إن يتراجعوا عن الشر، بشكركم ولسه الدور مخلصش، دوركم كدراما ومسلسلات في بناء وعي حقيقي للبلد دي على كتافكم، وعلى عقولكم وأتصور إن المسلسلات دي كانت كاشفة لذوق وعقل المصريين، كل الناس لم يختلف إثنين، فاسمحولي أشكركم".
ووجه الرئيس عبد الفتاح السيسي، التهنئة بمناسبة عيد الفطر لأهالي الشهداء والمصابين، وأبطال ملحمتي الاختبار 3 والعائدون، قائلاً: "فرصة إن أنا في يوم العيد أولا بقولكوا كل سنة وأنتوا طيبيب ونشكركم وعاوز أقولكم إن اللي أنتوا عملتوه كان جزء كبير منه لصالح الأبطال والشهداء اللي ضحوا علشان خاطر مصر تعيش".
وتابع الرئيس في كلمته: "عاوز أقولكم احنا قولنا إن التاريخ منسيبوش لحد والله والله والله إحنا كنا حريصين إن لا يسقط ولا يحصل تصادم واللي أنتوا عملتوه وسجلتوه وطلعتوه للناس، والله دي الحقيقة، أنا بقول هنا لكل ولاد وبنات مصر وأسر الشهداء والمصابين أوعوا تفتكروا إن ولادكو سقطوا في معركة طغيان لا إحنا مطغيناش ولم نعتدي، وحاولنا وكل كلمة اتقالت كانت عبارة عن واقع نقلتوه للناس كلها، علشان الولاد الصغيرة لما يكبروا ويقولوا إحنا أبناء الأبطال محدش يزيف ويشوه تاريخهم ويضيع قيمة اللي عملوه".
وشارك أبطال ملحمتى "الاختيار" و"العائدون"، في احتفالية أبناء الشهداء بعيد الفطر بحضور الرئيس عبد الفتاح السيسي، وتم عرض مشاهد من مسلسل "الاختيار 3".
