حسام حسن: «الأهلي» بيتي.. وحققنا بطولات في «الزمالك» أكتر من رموزه
تحدث حسام حسن المدير الفنى لفريق المصرى البورسعيدى عن ملف منعه من دخول النادى الأهلى وفترة لعبه لنادى الزمالك.
قال العميد خلال تصريحات تلفزيونية:”تركت الأهلى ومعايا 109 هدف وبالتالى كنت أكثر من أحرز أهداف مع الأهلى والخطيب كان وقت اعتزاله كان أحرز حوالى 101 أو 103 أهداف ولكني فوجئت بعد ذلك أن الخطيب عنده 109هدف ربما ذلك حتى لا يُقال أن حسام حسن هو الهداف التاريخي للأهلي في الدوري”.
وأوضح :”إدارات النادي الأهلي في الفترات الماضية أعطت الفرصة لأي حد يتكلم على رموز وأولاد النادي الأهلي اللي بجد”.
أضاف:”وائل جمعة وتريكة والحضري مش ولاد الأهلي.. انما احنا نرجع النادي في أي وقت ده بيتنا ومحدش اداله زينا”.
تابع:”لعبنا 4 مواسم فى الزمالك وخدنا بطولات أكتر من رموز نادي الزمالك مثل حسن شحاتة وفاروق جعفر وأكبر لاعب في الزمالك ماخدش البطولات اللي خدناها مع النادي في 4 مواسم”.
وواصل:”احنا مش ولاد نادي الزمالك ولكن تشرفنا بوجودنا في نادي الزمالك ومبقولش احنا أولاد الزمالك و(اتشعبط فيه) ومبقولش أنا عارف داخليات الزمالك”.
واختتم :”أتمنى يتعمل برنامج ييجي حسن حمدي ومحمود الخطيب وصلاح حسني، يقولوا احنا جينا ازاي من سويسرا ومشينا إزاي، مشينا غصب عننا، ولكن ربنا كرمنا وحصلنا مع نادي الزمالك على بطولات”.
إقرأ أيضا:
